د. پشتیوان سادق: پێکڤەژیان هەردەم سیمبولا شانازیێیەبۆ کوردستانێ
هەولێر، هەرێمی کوردستان (GOV.KRD)- رۆژا رۆژا دووشەمبیێ لە پارێزگەها دهۆکێ ب ئامادەبوونا د. پشتیوان سادق وەزیری ئەوقاف و کاروباری ئایینی، پارێزگارێ دهۆکێ عەلی تەتەر و هەژمارەکا مامۆستایێن رێزدارێن ئولا ئیسلامی و کەساتیێن کرستیان و ئێزیدی و ئامادەبویان، کونفرانسێ( پێکڤەژیان بنیاتێ ئارمی و ئاڤەدانکرنێ و پێشڤەچونێ یە) برێڤەچوو کۆ ژ ئالیێ رێڤەبەریا گشتی یا ئەوقافا پارێزگەها دهوکێ هاتبوو سازکرن
د کەڤانا کونفراسێدا سەرباری دەستخۆشی ل خەلکێ هێژایێ دهۆکێ کو د دیرۆکێدا گەلەک خزمەتا چەمکێ پێکڤە ژیانێ کریە تایبەت ل سالا ٢٠١٤ جوانترین نمونە نیشاندا ئەو پێشوازیا جوانا ل ئاوارەیێن ئێزیدی و کریستیان کر، کو مال و قوتابخانەو مزگەفتێن خو ئێخستن د خزمەتا وانادا. مە تەکەز کر کو ژ ئالیێ یاسایی ڤەژی ل وەزارەتا ئەوقافێ دێ بەردەوام بین ل خزمەت کردن و باشتر کرنا چەمکێ پێکڤەژیانێ ل کوردستانێ تایبەت نها مژیلی سەر ژ نوو دارشتنا یاسایا وەزارەتا ئەوقاف و کاروبارێن ئاینی نە مە هەول دایە ئەو جوانی و پیروزیێن پێکڤە ژیانێ کو ل کوردستانێ هەنە د ڤێ یاسایێدا ئاماژە پێ بکەین و بکەڤیت د خزمەتا گشتیدا.
