دەستەی حەجی عێراق سوپاسی پڕۆژە و کارە بەخزمەتەکانی بەڕێوەبەرایەتی گشتی حەج و عومرە دەکات
![](/media/23978/fb_img_1701369490575-1.jpg?anchor=center&mode=crop&width=1200&height=630&rnd=133458448880000000)
رۆژی پێنجشەممە ٣٠ی تشرینی دووەمی ٢٠٢٣، لە شاری بەغدا شێخ نیاز نەقشبەندی، بەڕێوەبەری گشتی حەج و عومرە، سەردانی دەستەی باڵای حەجی عێراقی کرد و لەلایەن شێخ سامی ئەلمەسعودی، سەرۆکی دەستەوە پێشوازیکرا.
لەدیدارەکەدا سەرۆکی دەستەی حەجی عێراق، پێزانینی خۆی ئاراستەی پڕۆژە و بەخشش و کارە بەخزمەتەکانی بەڕێوەبەرایەتی گشتی حەج و عومرە کرد، بۆ ئەو خزمەتەی کە لەماوەی رابردوودا بۆ عومرەکاران و پرۆسەی حەجی حاجیانی ھەرێمی کوردستان ئەنجامی دەدەن.
وێڕای پاڵپشتی لە کاروبارە کارگێڕییەکانی حەجی هەرێمی کوردستان، جەختی لە ھەماھەنگی و پەرەپێدانی زیاتری پەیوەندییەکانیان کرد.
دواتر گفتوگۆ لەبارەی دوایین ئامادەکارییەکانی پرۆسەی حەجی ساڵی داھاتوو کرا و تاوتوێی ھەنگاوەکانی نووسینی ناوی حاجییان و ئەنجامدانی تیروپشکی حاجییان کرا.
بەڕێوەبەری گشتی حەج وعومرە دوایین زانیاری و رێکارەکانی بەڕێوەچوونی پرۆسەی ناوی حاجیانی شیکردەوە و جەختی لە پێشکەشکردنی ئەوپەڕی خزمەت بۆ حاجییان بەگشتی کردەوە .