وەزیری ئەوقاف و کاروباری ئایینی دیدارێکی لەگەڵ پێشنوێژ و وتار خوێنانی ھەولێر ئەنجامدا
![](/media/23295/fb_img_1698843922778.jpg?crop=0,0.097510219249349689,0,0.34061687105165367&cropmode=percentage&width=1200&height=630&rnd=133433288460000000)
ڕۆژی چوارشەممە ١ی تشرینی دووەمی ٢٠٢٣، د. پشتیوان سادق، وەزیری ئەوقاف و کاروباری ئایینی، لەگەڵ پێشنوێژ و وتارخوێنانی پارێزگای ھەولێر و دەوروبەری دیدارێکی کراوەی سازکرد.
لە دیدارەکەدا، وەزیری ئەوقاف و کاروباری ئایینی، بارودۆخی ناوچەکە و ئاڵۆزییەکانی خستەڕوو، ڕایگەیاند:" قەدەری خوای گەورەیە کەھەمووان پێکەوە بژین، بۆیە ھەڵەیە پێمان وابێت لایەنێک لایەنێکی تر دەسڕێتەوە و ڕەفتاری نەشیاوی کەسیش لەسەر کۆیی ئاین و نەتەوەکان ھەژمار ناکرێ، بۆیە پێویستە بۆ چارەسەرکردنی کێشەکان ڕێگەی ئاشتی و گفتوگۆ پەیڕەوبکەین".
د.پشتیوان سادق، سوپاسی مامۆستایانی خۆبەخشی کرد و ڕایگەیاند:" ئەولەویەتی کاری ئێمە ئەوەیە کە خزمەتی شایستەی مامۆستایان بەگشتی و مامۆستایانی خۆبەخش بەتایبەتی بکەین"، لە کۆتایدا بۆ پێشخستنی کاروبارەکان، پێشنیارە بەسوودەکانی مامۆستایانی وەرگرت.