وەزیری دارایی و ئابووری و سەرۆکی دەستەی ناوچە کوردستانییەکانی دەرەوەی ئیدارەی هەرێم کۆبوونەوە
![](/media/13618/297144750_417183923768608_6528458139806412800_n.jpg?anchor=center&mode=crop&width=1200&height=630&rnd=133038158750000000)
هەولێر، هەرێمی کوردستان، عێراق (GOV.KRD)-سەر لەبەیانی ئەمڕۆ دووشەممە ڕێکەوتی 2022/8/1، ئاوات جەناب نوری وەزیری دارایی و ئابووری لە دیوانی وەزارەت لەگەڵ فەهمی بورهان سەرۆکی دەستەی ناوچە کوردستانییەکانی دەرەوەی ئیدارەی هەرێم کۆبۆوە.
لەمیانی کۆبوونەوەکەدا، وەزیری دارایی و ئابووری هیوای خواست فەهمی برهان لە ئەرکە نوێیەکەیدا سەرکەوتووبێت، ئەوەشی لەپێناو ناوچە کوردستانیەکانی دەرەوەی ئیدارەی هەرێم بێت، وەزارەتی دارایی و ئابووری پاڵپشتی لێ دەکات.
لای خۆشییەوە، فەهمی بورهان سەرۆکی دەستەی ناوچە کوردستانییەکانی دەرەوەی ئیدارەی هەرێم پاڵپشتی وەزارەتی دارایی بە گرنگ وەسفکرد تا بتوانن گرفتە کارگێڕیەکانیان چارەسەر بکەن و بەیاسا مافە زەوتکراوەکانی گەلی کورد بگێرنەوە.
لە کۆتایی کۆبوونەوەکەدا، ئاوات جەناب نوری وەزیری دارایی و ئابووری باسی لەوە کرد بەدرێژایی مێژوو کورد دەستبەرداری مافە ڕەواکانی خۆی نەبووە، بۆیە دەبێت بەهەموومانەوە پارێزگاری ناوچە کوردستانییەکانی دەرەوەی ئیدارەی هەرێم بکەین.