وەزارەتی دارایی و ئابووری هەڵگرتنی ڕسوماتی گومرکی خستە بواری جێبەجێ کردنەوە
![](/media/12766/288425400_386557566831244_1005297987426833977_n.jpg?anchor=center&mode=crop&width=1200&height=630&rnd=132999523490000000)
هەولێر، هەرێمی کوردستان، عێراق (GOV.KRD)- وەزارەتی دارایی بڕیاری ئەنجوومەنی وەزیرانی تایبەت بە هەوڵدان بۆ چارەسەركردنی كێشەی نرخی سووتەمەنی و هەڵگرتنی ڕسوماتی گومركی سووتەمەنی، خستە بواری جێبەجێ كردنەوە.
لە چوارچێوەی سیاسەتی هەرێم بۆ ئاسانكاری لە بەردەم جووڵەی بازرگانی و نەهێشتنی ئاستەنگەكانی بەردەم بازرگانان، لە ڕۆژی ۱ ی حوزەیرانی ۲۰۲۲، وەزیری دارایی و ئابووری سەردانی مەرزی نێودەوڵەتی پەروێزخانی كرد و لەگەڵ كارمەندانی گومركی مەرزەكە و بازرگانان كۆبووەوە.
لەو كۆبوونەوەیەدا، بڕیاری ئاسانكاری بۆ بازرگانان دراو لەو چوارچێوەیەشدا بڕیاردرا بە هەموو شێوەیەك دەبێت بازرگانان ئازاد بن و قۆرخكاری نەكرێت و هەر زیادەڕەویەكی نایاسایش هەبێت لەبەردەم ڕەسمی گومركی و كوالێتی كۆنترۆڵ و سۆنەر هەڵبگیرێت.