وەزارەتی دارایی و وەزارەتی خوێندنی باڵا لەسەر پاڵپشتیکردنی دارایی خوێندکاران گفتوگۆیان کرد
![](/media/16359/314642750_488818513271815_7016827565778800943_n.jpg?anchor=center&mode=crop&width=1200&height=630&rnd=133123824410000000)
هەولێر، هەرێمی کوردستان (GOV.KRD)- ڕۆژی سێشەممە ڕێکەوتی ٨ی تشرینی دووەمی ٢٠٢٢، ئاوات جەناب نووری، وەزیری دارایی و ئابووری لە دیوانی وەزارەت پێشوازی لە دکتۆر ئارام محەمەد قادر، وەزیری خوێندنی باڵا و توێژینەوەی زانستی کرد.
لە کۆبوونەوەکەدا ئاوات جەناب نووری، وەزیری دارایی و ئابووری، ڕۆڵی وەزارەتی خوێندنی باڵای لە ناو دامودەزگاکانی حکوومەت لە پێگەیاندنی دەرچووانی زانکۆ و پەیمانگاکان لە بازاڕی کاردا بەرز نرخاند.
هەردوولا تاووتوێی چۆنیەتیی چارەسەرکردنی ئاستەنگەکانى وەزارەتی خوێندنی باڵا و گرفتەکانى خوێندکارانیان کرد و بڕیاری پێویستیان لەسەر چۆنیەتیی جێبەجێکردنی کێشەکان و پاڵپشتى دارایی خوێندکاران دا.