شاندی حکومەتی هەرێم لەگەڵ وەزیری پلاندانانی عێراق کۆبووەوە
![](/media/18255/330980220_587743763242946_769584061962206507_n.jpg?anchor=center&mode=crop&width=1200&height=630&rnd=133207916980000000)
ڕۆژی دووشەممە، ١٣ ی شوباتی ٢٠٢٣، شاندی حکومەتی هەرێمی کوردستان بە سەرۆکایەتی ئاوات جەناب نوری، وەزیری دارایی و ئابووری لەگەڵ محەمەد تەمیم، وەزیری پلاندانی عێراق و جێگری سەرۆک وەزیرانی عێراق کۆبونەوە.
لە کۆبونەوەکەدا جەخت لە کارنامەی نێوان حکومەتی هەرێمی کوردستان و حکومەتی عێراقی فیدراڵ کرایەوە و گفتوگۆ کرا لەبارەی پرۆژە یاسای بودجەی عێراق و ماف و شایستە داراییەکانی هەرێم لە نێو بودجەکەدا.
هەر لە کۆبوونەوەکەدا بیروڕا لە بارەی پەرەپێدان و ئامادەکردنی ڕەشنووسی یاسای نەوت و گازو ناردنی پێشنیارەکانی حکومەتی هەرێم لەسەر ئەو پرۆژە یاسایە بۆ وەزارەتی نەوتی عێراق ئاڵوگۆڕکران و بڕیاردرا لە پێناو گەیشتن بەچارەسەر و ڕێکەوتن کۆبوونەوەو گفتوگۆکان درێژەیان هەبێت.