وەزیری دارایی و ئابووری لەگەڵ بەڕێوەبەری بانکە پسپۆڕییەکانی وەزارەت کۆبووەوە
![](/media/26280/440435559_834799972006999_1096297162034531171_n.jpg?anchor=center&mode=crop&width=1200&height=630&rnd=133589312720000000)
ڕۆژی دووشەممە ٢٩ـی نیسانی ٢٠٢٤، ئاوات جەناب نووری، وەزیری دارایی و ئابووری، لە دیوانی وەزارەت لەگەڵ بەڕێوەبەری سەرجەم بانکە پسپۆڕییەکانی سەر بە وەزارەتی دارایی کۆبووەوە.
لە دیدارێکدا گفتوگۆ لەسەر ڕێکخستنەوە و بەرەوپێشبردنی کاری بانکە پسپۆڕییەکان کرا، وەزیری دارایی داوای کرد کاراسانی تەواو بۆ مامەڵەی ئەو هاووڵاتییانە بکرێت کە قەرز و پێشینەیان وەرگرتووە و پلان و پێشنیاری خۆیان لەو بارەیەوە بۆ وەزارەت بەرز بکەنەوە.
لە بەشێکی تری کۆبوونەوەکەدا، وەزیری دارایی گوتی "سەرەڕای قەیران و کێشەکان لەم کابینەیە توانیومانە کاری باش بۆ بەرەوپێشبردنی ژێرخانی بانکەکان بکەین و لە داهاتووشدا بەپلان و بەرنامەی گونجاو، کارەکانیان باشتر ڕێک دەخەینەوە."