وەزارەتی دارايى داهاتی نانەوتیی مانگی نیسانی هەرێمی خستە سەر هەژماری وەزارەتی دارایی حکومەتی فیدراڵی
بەشی گەنجینەی فیدراڵی لە داهاتی نانەوتیی هەرێم، خرایە سەر هەژماری بانکیی وەزارەتی داراییی فیدراڵ.
ڕۆژی پێنجشەممە، ١ ی ٨ ی ٢٠٢٤، بڕی (٧٤،٨٤٤،٥٣٢،٠٠٠) حەفتا و چوار ملیار و هەشتسەد و چل و چوار ملیۆن و پێنجسەد و سی و دوو هەزار دینار، وەک پشکی گەنجینەی فیدراڵی، لە داهاتی نانەوتیی هەرێمی کوردستان بۆ مانگی نیسانی ساڵی ٢٠٢٤، لەلایەن بەڕێوبەرایەتیی گشتیی ژمێرکاریی وەزارەتی دارایی و ئابووری، خرایە سەر هەژماری بانکیی وەزارەتی داراییی حکومەتی فیدراڵی لە لقی هەولێری بانکی ناوەندیی عێراق.
وەزارەتی دارایی و ئابووری