زانکۆیا پۆلیتەکنیکى یا دهۆک و وەزارەتا پێشەسازی یا عیراقێ یاداشتنامەکا لێک تێگەهشتنێ ئێمزا کڕ

هەولێر، هەرێمى کوردستان (GOV.KRD) - یاداشتنامەکا لێک تێگەهشتنێ دناڤبەرا سەرۆکا زانکۆیا پۆلیتەکنیکى یا دهۆک (پ. د. ئارى عادل) و (د. احمد یونس) سەرۆکێ دەستەیا ڤەکولین و پێشخستنا پێشەسازی یا ب سەر وەزارەتا پێشەسازی و کانزا یا عیراقێ ڤە ل بەغدا یا پایتەختێ عیراقا فیدرال ئیمزا کر.

ب مەرما خورتکرنا پەیوەندیێن نافخویی و نێڤدەولەتی دگەل دەستەیێن تەکنیکی و پێشەسازی و زانکۆیێن نافخویی و جیهانی یێن باوەرپێکری ژلایێ حکومەتا هەرێما کوردستانێ ڤە.

شاندێ زانکۆیا پولیتەکنیکی یا دهۆک ب سەرۆکاتیا (پ. د. ئارى عادل) سەرۆکا زانکۆیێ سەرەدانا وەزارەتا پێشەسازی و کانزا کڕ و ژلایێ سەرۆک و ئەندامێن دەستەیا ڤەکولین و پێشخستنا پێشەسازی ڤە هاتنە پێشوازیکرن.

و دئەڤێ سەرەدانا زانستی ئەکادیمی دا یاداشتنامەکا لێک تێگەهشتنێ دناڤبەرا سەرۆکا زانکۆیا پۆلیتەکنیکی یا دهۆک و سەرۆکێ دەستەیا ڤەکولین و پێشخستنا پێشەسازی یا ب سەر وەزارەتا پێشەسازی و کانزا یا عیراقێ ڤە هاتە ئێمزاکرن کو ناڤەروکا وێ ژ (11) یازدە بەندان پێک دهێت و پرانییا ئەوان بەندان تەکەزیێ لسەر چەندین خالێن گرنگ دکەن کو پێک دهێن ژ بوارێن جورا و جور یێن گشتى و بتایبەت یێن ئەنجامدانا ڤەکولینێن هەفپشک و  پێشەسازی و ئالگورکڕنا ستافێ ئەکادیمی.