وەزارەتى خوێندنى باڵا چوار پۆست لە زانکۆى هەڵەبجە ڕادەگەیەنێت

هەولێر، هەرێمى کوردستان، عێراق (GOV.KRD) - وەزارەتى خوێندنى باڵا و توێژینەوەى زانستى لە چوارچێوەى ڕێنماییەکاندا چوار پۆست لە (زانکۆى هەڵەبجە)  بۆ جارى یەکەم ڕادەگەێنێت، هەر کەسێک ئارەزووى هەیە و مەرجەکانى تێدایە دەتوانێت لە ماوەى دیاریکراودا (c.v) و داواکارییەکەى پێشکەش بکات، تا ناوى لە لیستى خوازیاراندا تۆمار بکرێت.

- یاریدەدەرى سەرۆکى زانکۆ بۆ کاروبارى کارگێڕى و دارایی

- ڕاگرى کۆلێژى پەروەردەى بنەڕەت

- ڕاگرى کۆلێژى زانستە مرۆڤایەتیەکان

- ڕاگرى کۆلێژى زانست

هەڵگرى بڕوانامەى دکتۆرا بێت .

نازناوى زانستى لە پرۆفیسۆرى یاریدەدەر کەمتر نەبێت.

خزمەتى زانکۆیی لە (10) ساڵ کەمتر نەبێت.

· ئەو کەسەی داواکاری پێشکەش دەکات باشترە  دیدو بۆچوون و بەرنامەى کاری  خۆى پێشکەش بکات بۆ  بەرەو پێشبردنى زانکۆ بۆ ئەو چوار ساڵەى کە پۆستەکەى وەردەگرێت.

· زانینی زمانى ئینگلیزى و شارەزایی لە بەکارهێنانى تەکنەلۆجیاى بوارى خوێندن و فێرکردن و کارایی بڵاوکردنەوەى توێژینەوەى زانستى هەلى زیاتر بۆ پێشکەشکار دەڕەخسێنیت.

· دواکات بۆ پێشکەشکردنى (c.v) و پوختەى ڕاژە کۆتایی دەوامى ڕێکەوتى (29/5/2022) ڕۆژى (یەک شەممە) دەبێت.

· پێویستە پوختەى ڕاژەى لەلایەن بەرپرسى یەکەمى فەرمانگەکەیەوە واژوو کرابێت.

· ئەوەی ئارەزووى هەیە و مەرجەکانى سەرەوەى تێدا بەدى دەکرێت  دەتوانێ (c.v) و پوختەى ڕاژەى ڕاستەوخۆ لەم بەستەرەى خوارەوە پڕ بکاتەوە و ڕەوانى بکات.