وەزارەتى خوێندنى باڵا و توێژینەوەی زانستی نزیکەى نیو ملیۆن دۆلار شایستەى دارایى بۆ دەرچووانى بەرنامەى تواناسازى خەرج دەکات

بە بڕیارى د. ئارام محەممەد قادر وەزیرى خوێندنى باڵا و پاڵپشت بە نووسراوی سەرۆکایەتیى ئەنجومەنی وەزیران و وەزارەتى خوێندنى باڵا و توێژینەوەى زانستى، بڕی (442،514 $) چوار سەد و چل و دوو هەزار و پێنج سەد و چواردە دۆلاری ئەمەریکی بۆ (42) چل و دوو دەرچووى بەرنامەی تواناسازی خەرج دەکرێت و دەتوانن لە ڕۆژى دووشەممەوە سەردانى وەزارەت بکەن، بەمەبەستى وەرگرتنى چەکى پارەى شایستە داراییەکانیان.

دەرچووانى تواناسازى، ئەوانەى ناویان لە لیستى هاوپێچ هاتووە پێویستە لە ڕێکەوتى (2025/12/1) بە دواوە سەردانى دیوانى وەزارەتى خوێندنى باڵا و توێژینەوەى زانستى/ بەڕێوەبەرایەتىی تواناسازى، بکەن بەمەبەستى وەرگرتنى چەکى پارەى شایستەى دارایى، بەپێى لینکى هاوپێچ کە بریتییە لە ناوى سوودمەندان.

تێبینى:
- دەرچووى تواناسازىی پێویستە پاسپۆرت (ئەسڵى و کۆپى) لەگەڵ خۆى بهێنێت. ئەگەر بریکارەکەى ئامادەبوو ئەوا پێویستە پاسپۆرت (ئەسڵى و کۆپى) کاندید و بریکارنامەکەى (ئەسڵى و کۆپى) لەگەڵ خۆى بهێنێت.
- ڕۆژى دووشەممە ڕێکەوتى (2025/12/1) سەردانى دیوانى وەزارەت/ بەڕێوەبەرایەتیی تواناسازى بکەن.
- ناوەکان لە زنجیرەى (1) بە ناوى (ئەحمد خالد عەبدولهادى) دەستپێدەکات و لە زنجیرەى (42) بە ناوى (دێرین مەحمود رەشید) کۆتایى دێت.
- بۆ بینینى لیستى ناوەکان: كرته‌ لێره‌ بكه‌