وەزیری کاروباری شەھیدان و ئەنفالکراوان و سەندیکای پزیشکان تاووتوێی خزمەتگوزاریی باشتریان بۆ خانەوادەی شەهیدان کرد
![](/media/16424/ad9843d1-ef21-4949-825e-57dc3d19e55c.jpeg?anchor=center&mode=crop&width=1200&height=630&rnd=133125608800000000)
هەولێر، هەرێمی کوردستان، (GOV.KRD) وەزیری کاروباری شەھیدان و ئەنفالکراوان و سەندیکای پزیشکان، گفتوگۆی خزمەتگوزارییە تەندرووستییەکانیان بۆ کەسوکاری شەھیدان کرد.
رۆژی سێشەممە، رێکەوتی ٨ی تشرینی دووەمی ٢٠٢٢، عەبدوڵڵا حاجی مەحموود، وەزیری کاروباری شەھیدان و ئەنفالکراوان، پێشوازی لە شاندێکی سەندیکای پزیشکانی کوردستان بە سەرۆکایەتیی دکتۆر باساک کرد.
لە دیدارێکدا کە ئەحمەدی مام ڕەسوڵ، بەرێوەبەری گشتیی خزمەتگوزارییەکان و سیروان عەزیز بەرێوبەری گشتیی دەستەی وەبەرھێنانی وەزارەت ئامادەی بوون، گفتوگۆ لەسەر شێواز و میکانیزمەکانی جێبەجێکردنی بڕیارەکانی وەزارەتی تەندروستی بۆ پێشکەشکردنی خزمەتگوزارییە تەندروستییەکان بۆ کەسوکاری شەھیدان و زیندانیانی سیاسی و بەرکەوتووانی چەکی کیمیاوی کرا.
لە کۆتاییدا وەزیری کاروباری شەهیدان و ئەنفالکراوان جەختی لەسەر ئەو بڕیارانە و کۆنووسی واژووکراوی وەزارەت کردەوە، بە ئامانجی خزمەتکردنی باشتری خانەوادەی سەربەرزی شەھیدان.