زاخۆ... نزيكەی 188 ملیۆن دینار بۆ پەرەپێدانی ئاو و ڕێگریكردن لە وشكەساڵی خەرج دەكرێت
![](/media/11431/1addccab-c6f5-49c9-a550-8e0f745a31ba.jpeg?anchor=center&mode=crop&width=1200&height=630&rnd=132956256290000000)
هەولێر، هەرێمی کوردستان، عێراق (GOV.KRD)- بۆ ڕێگریكردن لە وشكەساڵی و پەرەپێدانی سێكتەری ئاوی زاخۆ و بەڕێوەچوونی ئیشوكاری بیرەكان، وەزارەتی شارەوانی و گەشتوگوزار ڕەزامەندی دا لەسەر خەرجكردنی گوژمەی نزیكەی 188 ملیۆن دینار بۆ بەڕێوەبەرایەتیی ئاوی زاخۆ.
ئەو گوژمەیە بەشێوەی ڕاستەوخۆ خەرج دەكرێت و ئامانج لێی ڕێگریكردنە لە وشكەساڵی لە وەرزی هاوین بە مەبەستی دابینكردن و كڕینی كەلوپەلی پێویست بۆ بیرەكانی ئاوی شارەكە، ئەم بڕە پارەیە كاریگەری ڕاستەوخۆی لەسەر پەرەپێدانی سێكتەری ئاو و باشتر كاركردنی بیرەكان و پرۆسەی دابەشكردنی ئاو بەسەر هاووڵاتییاندا هەیە.