ئەمڕۆ نزیكەی دوو هەزار تۆن خۆڵ و خاشاك لەنێو شاری هەولێردا هەڵگیرایەوە
![](/media/11488/79118c6b-a588-40f0-ac84-0961ed52af4b.jpeg?anchor=center&mode=crop&width=1200&height=630&rnd=132960748480000000)
هەولێر، هەرێمی کوردستان، عێراق (GOV.KRD)- لە دووەم ڕۆژی جەژندا تەنیا لە سنووری سەرۆكایەتیی شارەوانیی هەولێردا لەلایەن تیمەكانی شارەوانی و بەڕێوەبەرایەتیی خزمەتگوزاری و ژینگەپارێزیی هەولێر زیاتر لە پرۆسەكدا كە زیاتر لە هەزار کرێکار و ٦۰۰ ئامێرەكانی شارەوانی تێیدا بەشداربوون، نزیكەی دوو هەزار تۆن خۆڵ و خاشاك لەنێو شاری هەولێر هەڵگیرایەوە.
بەهۆی ئەو ژمارە زۆرەی گەشتیاران و سەردانیكەرانی هاووڵاتییانی كوردستان بۆ بازاڕ و پارك و شوێنە گشتییەكانی هەولێر، خۆڵ و خاشاكێكی زۆر كۆبووەوە، بە مەبەستی پاراستنی ژینگەی شارەكە و پاكڕاگرتنی شارەكە، ئەمڕۆ لە دووەم رۆژی جەژندا پرۆسەیەكی فراوانی خاوێنكردنەوە لەنێو شاری هەولێر بەڕێوەچوو.
ژیار جەلال، بەڕێوەبەری خزمەتگوزاری و ژینگەپارێزی سەر بە سەرۆكایەتیی شارەوانیی هەولێر گوتی: ئەمڕۆ لە دووەم ڕۆژی جەژندا لە سنووری سەرۆكایەتیی شارەوانیی هەولێر لە ڕێگەی زیاتر لە هەزار كرێكاری شارەوانی و ژینگەپارێز و ٦۰۰ ئامێری شارەوانییەوە، نزیكەی دوو هەزار تۆن خۆڵ و خاشاك لەنێو شاری هەولێردا كۆكرایەوە و پرۆسەی خاوێنكردنەوەش لە ڕۆژانی داهاتوودا بەردەوام دەبێت.