بە فەرمانی مەسرور بارزانی بەڕێوەبەرایەتیی گشتیی شارەوانییەكانی ڕاپەڕین دەكرێتەوە
![](/media/12025/كاك-مەسرور-بارزانی-ڕاپەرین.jpg?anchor=center&mode=crop&width=1200&height=630&rnd=132977662900000000)
هەولێر، هەرێمی کوردستان، عێراق (GOV.KRD)- مەسرور بارزانی، سەرۆكی حكومەتی هەرێمی كوردستان، لەسەر میلاكی وەزارەتی شارەوانی و گەشتوگوزار، بڕیاریدا بە كردنەوەی بەڕێوەبەرایەتیی گشتیی شارەوانییەكانی ڕاپەڕین.
سنووری بەڕێوەبەرایەتیی گشتیی شارەوانییەكانی ڕاپەڕین، سنوورێكی فراوانە و كردنەوەی ئەو بەڕێوەبەرایەتییەش كاریگەری زۆر باشی لەسەر باشتر بەڕێوەچوونی كاروباری دامودەزگەكانی شارەوانی و پێشكەشكردنی خزمەتگوزارییە هەمەجۆرەكانی سنوورەكە دەبێت و ئاماژەی گرنگیدانی كابینەی نۆیەمی حكومەتی هەرێمی كوردستانە بە سنووری ڕاپەڕین.
ئەمەش لەكاتێكدایە لە چەند ڕۆژی ڕابردوودا مەسرور بارزانی سەرۆكی حكومەتی هەرێمی كوردستان لەسەر میلاكی وەزارەتی شارەوانی و گەشتوگوزار فەرمانی دا بە كردنەوەی بەڕێوەبەرایەتیی گشتیی گەشتوگوزاری لە هەر یەكە لە ئیدارە سەربەخۆكانی سۆران و زاخۆ.