بە هەزاران گەشتیار سەردانی هاوینەهەوار و شوێنە گەشتیارییەكانی زاخۆ دەكەن
![](/media/11498/ed168da6-8bf4-4b77-95eb-58a499b48f2c.jpeg?anchor=center&mode=crop&width=1200&height=630&rnd=132961792550000000)
هەولێر، هەرێمی کوردستان، عێراق (GOV.KRD)- بەهۆی بایەخدانی حكومەتی هەرێمی كوردستان بە سێكتەری گەشتوگوزار و ڕێكارەكانی وەزارەتی شارەوانی و گەشتوگوزار بە مەبەستی ئاسانكاری بۆ گەشتیاران و پێشكەشكردنی خزمەتگوزاری لە بازگە و شوێنە گەشتیارییەكان، ئەمساڵ ژمارەیەكی زۆر گەشتیار هاتنە هەرێمی كوردستان.
سنووری زاخۆ وەك ناوچەیەكی گەشتیاری ژمارەیەكی یەكجار زۆر گەشتیاری هەرێمی كوردستان و پارێزگەكانی عێراقی گرتەخۆی بە تایبەتی گەشتیاران بە لێشاو سەردانی پردی دەلال و هاوینەهەوارەكان و شوێنە گەشتیارییەكانی سنوورەكە دەكەن، لەم سێ ڕۆژەی جەژندا بە هەزاران گەشتیار سەردانی سنوورەكەیان كردووە و ژمارەكەش لە هەڵكشاندایە.