لەمساڵدا ٧٤٥ پڕۆژەی جۆراوجۆر جێبەجێكراون و دەکرێن
![](/media/15576/whatsapp_image_2021-09-22_at_105904_pm__1_.jpeg?center=0.41825095057034223,0.47594936708860758&mode=crop&width=1200&height=630&rnd=133096026770000000)
هەولێر، هەرێمی کوردستان (GOV.KRD)-ساسان عەونی، وەزیری شارەوانی و گەشتوگوزار، ڕایدەگەیەنێت، "لەسەر ئاستی وەزارەتی شارەوانی و گەشتوگوزار بەشێوەیەكی گشتی، تەنیا لە ساڵی ٢٠٢٢، ئەو پرۆژانەی بەردەوامن و بڕیاری جێبەجێكردنیان دراوە، ژمارەیان زیاتر لە ٣٩٠ پڕۆژەی گەورەن كە بە گوژمەی نزیكەی دوو ترلیۆن و ٥٠٠ ملیار دینار لە سەرتاسەری كوردستان و لە هەموو پارێزگە و ئیدارە سەربەخۆكان بڕیاریان لەسەر دراوە، كە بەشێكیشان كاركردن تێیاندا بەردەوامە."
ساسان عەونی، وەزیری شارەوانی و گەشتوگوزار، سەبارەت بەو پڕۆژانەی لەسەر داهاتی شارەوانییەكان تەنیا لەمساڵدا جێبەجێكراون یان ئێستا لە قۆناغی كاركردندان، دەڵێت: "لەسەر داهاتی شارەوانییەكان لە سەرتاسەری هەرێمی كوردستان، زیاتر لە ٧٤٥ پرۆژەی جۆراوجۆر بە گوژمەی نزیكەی ٧٠ ملیار دینار جێبەجێكراون، دەشڵێت ئەو پڕۆژانە لەسەر داواكاریی گەڕەك و هاووڵاتییان بووە و لەلایەن دامودەزگەكانی شارەوانییەوە جێبەجێكراون."