وەزیری شارەوانی و گەشتوگوزار بەڕێوەبەرایەتیی شارەوانیی پێنج بەسەر دەكاتەوە
![](/media/14701/whatsapp-image-2022-09-13-at-125014-pm.jpeg?anchor=center&mode=crop&width=1200&height=630&rnd=133075449330000000)
هەولێر، هەرێمی کوردستان (GOV.KRD)- سەرلەبەیانی سێشەممە ١٣ی ئەیلوولی ٢٠٢٢، ساسان عەونی وەزیری شارەوانی و گەشتوگوزار، بە مەبەستی بەدواداچوونی ئیشوكارەكانی بەڕێوەبەرایەتییەكە، سەردانی بەڕێوەبەرایەتیی شارەوانیی پێنجی لە شاری هەولێر كرد.
لەمیانەی بەسەركردنەوەكەدا وەزیری شارەوانی و گەشتوگوزار لەگەڵ بەڕێوەبەر و سەرۆك بەش و ئەندازیار و كارمەندانی بەڕێوەبەرایەتییەكە كۆبووەوە و بەدواداچوونی بۆ جێبەجێكردنی پرۆژەی خزمەتگوزاری و ئیشوكاری فەرمانگە كرد. هاوكات جەختی لەسەر ئەوە کردەوە پێویستە خزمەتكردنی زیاتری دانیشتووانی سنوورەكەیان بكەن و كاروباری هاووڵاتییان بە باشی ڕایی بكەن. دواتر بەشەكانی بەڕێوەبەرایەتییەكەی بەسەركردەوە.