گوژمەی زیاتر لە ٨٧ ملیۆن دینار بۆ قیڕتاوكردنی شەقامی بنەسڵاوە-كەسنەزان خەرج دەكرێت
![](/media/15180/بنەسڵاوە-كەسنەزان.jpg?anchor=center&mode=crop&width=1200&height=630&rnd=133086537930000000)
هەولێر، هەرێمی کوردستان (GOV.KRD)-بە مەبەستی پەرەپێدانی پڕۆژەكانی خزمەتگوزاری لە سنووری شار و شارۆچكەكانی سەر بە پارێزگای هەولێر، ڕەزامەندی خەرجكردنی گوژمەیەك بە بڕی ٨٧ ملیۆن و ٣٩٩ هەزار دینار درا.
گوژمەكە لەسەر ڕێژەی ١٥٪ی داهاتی شارەوانییە و لەلایەن وەزارەتی شارەوانی و گەشتوگوزارەوە بە مەبەستی جێبەجێكردنی پڕۆژەی دروستكردنی شەقام و قیڕتاوكردنی شەقامی نێوان بنەسڵاوە-كەسنەزان لە گەڕەكی قەڵاتی نوێ لە سنووری سەرۆكایەتیی شارەوانیی بنەسڵاوە بڕیاری خەرجكردنی دراوە.
ئەو شەقامە هاتوچۆیەكی زۆری شۆفێرانی نێوان هەردوو شارۆچكەی بنەسڵاوە و كەسنەزانی بەسەرەوەیە و دەبێتە ئاسانكارییەك بۆ دانیشتووانی سنوورەكە بە گشتی و تایبەتی گەڕەكی قەڵاتی نوێ كە كەوتووەتە نزیك شەقامەكە.