شارەوانیی هەولێر بە گوژمەی ٣٢٩ ملیۆن دینار پڕۆژەی دروستكردنی شەقامێكی ٢٠ مەتری جێبەجێ دەكات
![](/media/19249/339905972_251915690518943_152590527690616587_n__1_.jpg?anchor=center&mode=crop&width=1200&height=630&rnd=133251630080000000)
شارەوانیی هەولێر، بە گوژمەی ٣٢٩ ملیۆن دینار، لەسەر بودجەی سەربار، پڕۆژەی دروستکردنی شەقامێکی ٢٠مەتریی تەریب بە کەندی کۆڕنیش لە گەڕەکی پێنجی حەسارۆک جێبەجێ دەكات.
ئەو پڕۆژەیە پێكهاتووە لە کاری ڕێکخستن و قیرتاوکردن بە قیری جۆری ستابلایزر بە بڕی دە هەزار م٢ كە کارئاسانیی زۆر بۆ هاتوچۆی هاووڵاتییان و شۆفێرانی ئەو شوێنە دەكات.
ئەو پڕۆژەیە لە كاتێكدایە لە ماوەی ڕابردوودا لەسەر ڕێژەی ١٥٪ی داهاتی سەرۆکایەتیی شارەوانیی هەولێر و بودجەی پەرەپێدانی پارێزگە، چەندین پڕۆژەی تری خزمەتگوزاری لە سنووری سەرۆکایەتیی شارەوانیی هەولێر خراونەتە بواری جێبەجێکردنەوە، هەروەها دەرخستەی چەندین پڕۆژەی دیکەش ئامادەیە بە مەبەستی جێبەجێكردنی پڕۆژەی جۆراوجۆری خزمەتگوزاری بۆ شاری هەولێر.