وەزارەتی شارەوانی و گەشتوگوزار سوپاسی کارمەندە لەخۆبردووەکەى شارەوانیی مەخمووری کرد
![](/media/19345/341332939_749871566597897_2893563739124973729_n.jpg?anchor=center&mode=crop&width=1200&height=630&rnd=133262001540000000)
ڕۆژی یەکشەممە، ١٦ی نیسانی ٢٠٢٣، ساسان عەونی، وەزیری شارەوانی و گەشتوگوزار، پێشوازی لە عەبدال سابیر حەمەڕەش، كارمەندی شارەوانیی مەخموور كرد.
ئەو كارمەندە لە كاتی بارانە زۆرەكەی هەفتەی ڕابردوو (١٣ی نیسانی ٢٠٢٣)، لە كارێكی سەختدا چووە نێو ئاوەڕۆیەك و چەندین پارچەی گەورەی کۆنکرێتی دەرهێنا و ئاوەڕۆكەی كردەوە؛ بەو كارەشی چەندین ماڵی گەڕەکێکی مەخمووری لە مەترسیی ژێرئاوکەوتن ڕزگار کرد.
ساسان عەونی، وێڕای سوپاسکردن و دەستخۆشی، ئاماژەی بەوەش کرد "عەبدال سابیر نموونەی سەدان كارمەندی تری شارەوانییە لە سنووری سەرجەم شارەوانییەكان لە هەموو شارەکانی کوردستان، كە بە ڕۆحێكی بەرزی بەرپرسیارێتییەوە ژیانی خۆیان بۆ پارێزگاری لە سەر و ماڵی هاووڵاتییان دەخەنە مەترسییەوە."
گوتیشی: "سوپاسی سەرجەم کارمەندانی شارەوانییەکان دەکەم کە لە كاتی لافاوەكەدا توانیان مەترسی لەسەر ژیان و ماڵی هاووڵاتییان دوور بخەنەوە."
گوتیشی: "سوپاسی سەرجەم کارمەندانی شارەوانییەکان دەکەم کە لە كاتی لافاوەكەدا توانیان مەترسی لەسەر ژیان و ماڵی هاووڵاتییان دوور بخەنەوە."