شەقامێكی جووتسایدی ٤٠ مەتری لە پارێزگای دهۆك دروست دەكرێت
![](/media/18096/328608537_1225607421707888_4196933948508009828_n.jpg?anchor=center&mode=crop&width=1200&height=630&rnd=133198001670000000)
لە سنووری بەڕێوەبەرایەتیی گشتیی شارەوانییەكانی دهۆك، پرۆژەی دروستكردنی دووسایدێكی ٤٠ مەتری لە سنووری شارەوانیی دارەتوو كەوتە بواری جێبەجێكردنەوە.
گوژمەی پڕۆژەكە لە قۆناغی یەكەمدا ٤٣٩ ملیۆن دینارە و لەسەر بودجەی پەرەپێدانی پارێزگەی دهۆك و بە سەرپەرشتیی تیمەكانی شارەوانی جێبەجێ دەكرێت.
درێژایی شەقامەكە ٧٠٠ مەترە و لە ماوەی ٢٠٠ ڕۆژدا تەواو دەبێت. بە تەواوبوونی ئەو پڕۆژەیە گرفتی قەرەباڵغی لە شەقامەكە چارەسەر دەبێت و هاوكات سیمایەكی جوانتر و شارستانییانە بە شوێنەكە دەبەخشێت.
كابینەی نۆیەمی حكومەتی هەرێمی كوردستان گرنگییەكی زۆر بە ڕێگەسازی و جووتسایدكردن دەدات، بۆ ئەوەش شار و شارۆچكەكانیش لەبەرچاو دەگرێت و كارەكانی لە ناوەندی پارێزگاكان چڕناكاتەوە.