پڕۆژەیەكی قیرتاوكردن لە قەزای عەنكاوە جێبەجێ كرا
![](/media/18309/330860861_1320031865222740_4617820683224602640_n.jpg?anchor=center&mode=crop&width=1200&height=630&rnd=133209265450000000)
بە سەرپەرشتیی تیمەكانی شارەوانی، پڕۆژەیەكی قیرتاوكردنی چەند شەقامێك لە سنووری سەرۆكایەتیی شارەوانیی عەنكاوەی سەر بە بەڕێوەبەرایەتیی گشتیی شارەوانییەكانی هەولێر جێبەجێ كرا.
گوژمەی پڕۆژەكە ١٧٣ ملیۆن و ٩٢١ هەزار دینارە و لەسەر بودجەی پەرەپێدانی پارێزگەی هەولێر و بە سەرپەرشتیی سەرۆكایەتیی شارەوانیی عەنكاوە جێبەجێ دەكرێت.
پێشتر لە ڕۆژی دووشەممە، ڕێكەوتی ١٦ی کانوونی دووەمی ٢٠٢٢، لەسەر فەرمانی مەسرور بارزانی، سەرۆكی حكومەتی هەرێمی كوردستان لە قەزای عەنكاوە، ساسان عەونی، وەزیری شارەوانی و گەشتوگوزار بە گوژمەی شەش ملیار دینار، بەردی بناغەی چەند پرۆژەیەكی خزمەتگوزاری لە عەنكاوە دانا.
ئەو پڕۆژانە لە چوارچێوەی كار و جێبەجێكردنی پڕۆژە خزمەتگوزارییەكانی كابینەی نۆیەمی حكومەتی هەرێمی كوردستانن و بە مەبەستی بەرزكردنەوەی ئاستی خزمەتگوزارییەكان بۆ هاووڵاتییان لە سنووری شار و شارۆچكەكان لەسەر فەرمانی سەرۆكی حكوومەت ئەنجام دەدرێن.