وەزیری شارەوانی و گەشتوگوزار و سۆمیتۆمۆی ژاپۆنی پرۆژە خزمەتگوزارییەکان تاوتوێ دەکەن
![](/media/17800/325843754_710149674025569_7897944505605097583_n.jpg?anchor=center&mode=crop&width=1200&height=630&rnd=133184102630000000)
هەولێر، هەرێمى کوردستان (GOV.KRD)- ڕۆژی یەکشەممە ١٥ی کانوونی دووەمی ٢٠٢٣، ساسان عەونی، وەزیری شارەوانی و گەشتوگوزار پێشوازی لە بەرێوەبەری گشتی لە کۆمپانیای سۆمیتۆمۆی (Mr. Miyake )یابانی بۆ عێراق و هەرێمی کوردستان کرد.
لە دیدارەکەدا چەند تەوەرێکی پەیوەست بە فراوانکردنی هەماهەنگی و کارکردنی پێکەوەیی نێوان وەزارەت و کۆمپانیاکە تاوتوێ کران کە سۆمیتۆمۆی ژاپۆنی دەخوازن لە هەرێمی کوردستاندا کار و پرۆژەی زیاتر ئەنجام بدەن.
ئەم دیدارە دوای ئەوە دێت لە کۆتایی ساڵی ڕابردوودا ساسان عەونی، وەزیری شارەوانی و گەشتوگوزار و شاندێکی یاوەری، سەردانی وڵاتی ژاپۆنی کرد و لەگەڵ سۆمیتۆمۆی یابانی و ژمارەیەک دامەزراوەی دیکەی ئەو وڵاتە کۆبووە و تاوتوێی پەرەپێدانی کاری پێکەوەیی و فراوانترکردنی پەیوەندییەکان کرا.
لە دیدارەکەی ئەمڕۆدا، سۆمیتۆمۆی ژاپۆنی هیوای خواست پەرەی زیاتر بە هەماهەنگی و کارکردنی پێکەوەیی نێوانیان بدەن، لەمبارەیەوە، ساسان عەونی جەختی کردەوە، وەک وەزارەتی شارەوانی و گەشتوگوزار وێڕای سوپاسگوزاری بۆ هاوکارییەکانی پێشوویان، هاوکات ئامادەیی هەر جۆرە هەماهەنگی و هاوکارییەکن لەپێناو فراوانکردنی پەیوەندی و کارکردنی کۆمپانیاکانی وڵاتی ژاپۆن بە مەبەستی پەرەپێدانی پرۆژە خزمەتگوزارییەکان لە هەرێمی کوردستان.