مەسرور بارزانی ڕەزامەندیی لەسەر بەرزكردنەوەی پلەی سەرۆكایەتیی شارەوانیی كفری دا
![](/media/21057/img_0960.png?anchor=center&mode=crop&width=1200&height=630&rnd=133341380240000000)
مەسرور بارزانی، سەرۆكی حكوومەتی هەرێمی كوردستان، بە مەبەستی زیاتر خزمەتكردنی دانیشتووانی شاری كفری، ڕەزامەندیی لەسەر بەرزكردنەوەی پلەی سەرۆكایەتیی شارەوانیی كفری دا و بە زووترین كاتیش بڕیارەكە جێبەجێ دەكرێت و پلەی شارەوانیی كفری بەرز دەكرێتەوە.
بە پێی فەرمانێكی ئەنجوومەنی وەزیران/ نووسینگەی سەرۆكوەزیران كە ئاراستەی وەزارەتی شارەوانی و گەشتوگوزار كراوە، ڕۆژی دووشەممە، ١٧ى تەممووزی ٢٠٢٣، مەسرور بارزانی، سەرۆكی حكوومەتی هەرێمی كوردستان، بە پێی ماددەی دەیەم لە یاسای بەڕێوەبردنی شارەوانییەکان، ژمارە ٦ ساڵی ۱۹۹۳، ڕەزامەندیی لەسەر داواکارییەكی وەزارەتی شارەوانی و گەشتوگوزار پێشان دا بۆ بەرزکردنەوەی پلەی سەرۆکایەتیی شارەوانیی کفری لە پلە دوو بۆ پلە یەک.
شایەنی باسە بە زووترین كات ئەو بڕیارەی مەسرور بارزانی، سەرۆكوەزیرانی هەرێمی كوردستان، جێبەجێ دەكرێت و پلەی سەرۆكایەتیی شارەوانیی كفری بەرز دەكرێتەوە.