پرۆژەی دروستكردنی شەقامێكی ٢٠ مەتری لە دهۆک جێبەجێ دەكرێت
پڕۆژەی دروستكردنی شەقامێكی ٢٠ مەتری لە سنووری سەرۆكایەتیی شارەوانیی دهۆك دەستی پێ كرد. ئەو پڕۆژەیە لەسەر داهاتی سەرۆكایەتیی شارەوانیی دهۆك جێبەجێ دەكرێت و كەوتووەتە كەرتی ١٣ی مالتا ئیسلام لە نزیك یاریگەی مینی گوڵف.
قۆناغی یەكەم بڕگەكانی پێكهاتوون لە شەقامێكی ١٢ مەتری لەگەڵ دروستكردنی شەقامێكی ٢٠ مەتری، ئێستا كاركردن تێیدا بە باشی بەڕێوە دەچێت.
ئەو پڕۆژەیە بەشێوەی ڕاستەوخۆ لەلایەن تیمی ئەندازیارانی سەرۆكایەتیی شارەوانیی دهۆكەوە سەرپەرشتی دەكرێت و بە تەواوبوونی، كاریگەرییەكی زۆر باشی لەسەر ئاسانكردنی هاتوچۆ و بەرزكردنەوەی ئاستی خزمەتگوزارییەكانی سنووری شارەوانییەكە دەبێت.
