وەزیری شارەوانی و گەشتوگوزار پێشوازی لە كونسولی فەرەنسا كرد

ڕۆژى یەکشەممە ٢٢ى كانوونى يه‌كه‌مى ٢٠٢٤، ساسان عەونی، وەزیری شارەوانی و گەشتوگوزاری حكومەتی هەرێمی كوردستان پێشوازی لە یان برێم، کونسولى گشتیى کۆمارى فەرەنسا كرد، كە ماوەكە لە هەرێمی كوردستان دەست بەكار بووە.
یەكێك لە تەوەرەكانی گفتوگۆكان باسكردن بوو لە چۆنیيەتی پەرەپێدانی پەیوەندی و هه‌ماهەنگییەكان، هاوكات تیشك خرایە سەر خواستی كاركردنی كۆمپانیاكانی فەرەنسا لە هەرێمی كوردستان.
وەزیری شارەوانی و گەشتوگوزار وێڕای بەخێرهێنانی كونسول و شاندی یاوەری و جەختكردنەوەی لە پەرەپێدانی پەیوەندییەكان، سوپاسی پاڵپشتی و هاوكارییەكانی حكومەتی فەرەنسای كرد بۆ حكومەتی هەرێمی كوردستان و هەر جۆرە هاوكاری و پاڵپشتییەكی بۆ كونسولگەريی فەرەنسا و كۆمپانیاكانی فەرەنسا دووپات كردەوە، بۆ كاركردنی پێكەوەیی لە بواری خزمەتگوزاری بۆ هاووڵاتییانی هەرێمی كوردستان.