به به‌كارهێنانی زیاتر له 407 تۆن قیر ژماره‌یه‌كی زۆری شەقامه‌كانی شاری هه‌ولێر قیرتاو و چاك كرانه‌وه
له سنووری هه‌ر شه‌ش به‌ڕێوه‌به‌رایه‌تییه‌كانی شاره‌وانی سه‌ر به سه‌رۆكایه‌تیی شاره‌وانیی هه‌ولێر، تیمه‌كانی شاره‌وانیی هه‌ولێر و كارگه‌ی قیری سه‌رۆكایه‌تیی شاره‌وانی، هه‌ڵمه‌تێكی فراوانیان بۆ قیرتاوكردن و نۆژه‌نكردنه‌وه و چاككردنه‌وه‌ی ژماره‌یه‌كی زۆر له شه‌قام و كۆڵان، له گه‌ڕه‌كانی شاری هه‌ولێر به‌ڕێوه برد.
ئه‌و هەڵمەته فراوانه له گەڕەکی سێتاقان، شەقامی کۆیە، نێوان هەردوو شەقامی ٣٠ مەتری و ٦٠مەتری، شەقامی ٤٠ مەتری و دووسایدی نازناز، له نێوان شوقەکانی شەهیدان و شەقامی عەنکاوە، شەقامێکی ٣٠ مەتری لە گەڕەکی هەولێری نوێ، شەقامی ١٠٠ مەتری، ٩٩ی زانکۆ و گەڕەکی کوردستان و ده‌یان شوێنی دیكه به‌ڕێوه چوو.
له‌م هەڵمەته‌دا بڕی زیاتر له (٤٠٧) تۆن قیری به‌رهه‌مهاتووی كارگه‌ی قیری سه‌رۆكایه‌تیی شاره‌وانیی، به‌كار هێنرا و به ده‌یان ئامێری جۆراوجۆری شاره‌وانی، وه‌ك ئامێری بڕینەوە، شکاندن، فڕێدان، ئامێری گواستنه‌وه‌ی قیر، ئامێری قیرتاوكردن و سه‌دان كارمه‌ندی شاره‌وانی به‌شداربوون و هه‌ڵمه‌ته‌كه‌ش به‌رده‌وام ده‌بێت.
