بە گوژمەی زیاتر لە 570 ملیۆن دینار پرۆژەیەكی دروستكردنی شەقام و ئاوەڕۆ جێبەجێ دەكرێت

لە چوارچێوەی پلانی شارەوانیی كەلەكچی بۆ زیاتر خزمەتكردنی هاووڵاتییانی ناحیەكە، پرۆژەیەكی دروستكردنی شەقام و ئاوەڕۆ لە ناحیەی كەلەكچی لە سنووری بەڕێوەبەرایەتیی گشتیی شارەوانییەكانی دهۆك كەوتە بواری جێبەجێكردنەوە.
گوژمەی ئەو پرۆژەیە زياتر له‌ 570 مليۆن دینارە و لەسەر بودجەی حكومەتی هەرێمی كوردستان دابین كراوە كه‌ پێكهاتووە لە دروستكردنی ژمارەیەك شەقامی ناوخۆیی و ئاوەڕۆ لە سەنتەری ناحیەی كەلەكچی، بڕگەكانی دروستكردنی شەقام بە درێژیی (1140) مه‌تر و دروستكردنی ئاوەڕۆی لوولەیی بە درێژیی (1070) مه‌تر لەخۆدەگرێت.
جگە لەو پرۆژەیە، ئێستا ژمارەیەك پرۆژەی ديكه‌ى خزمەتگوزاری لە سنووری بەڕێوەبەرایەتیی گشتیی شارەوانییەكانی دهۆك لە قۆناغی جێبەجێكردندان.