گوژمەی پێویست بۆ پرۆژەی درێژكردنەوەی تۆڕی ئاو لە بەحركەى سنوورى پارێزگاى هه‌ولێر خەرج دەكرێت
وەزارەتی شارەوانی و گەشتوگوزار لە دوو فەرمانی وەزاریدا، ڕەزامەندی نیشان دا لەسەر خەرجكردنی گوژمەی پێویست به بڕى زياتر له ٥٨ مليۆن دينار، له‌سه‌ر ڕێژەی ١٧%ی داهاتی ئاو، بە مەبەستی جێبەجێكردنی دوو پرۆژەی ئاوی خواردنەوە لە سنووری بەڕێوەبەرایەتیی ئاوی هەولێر.
پرۆژه‌كانيش بريتين له درێژكردنەوەی تۆڕی ئاو لە بەحركە، هه‌روه‌ها پرۆژەی هەڵكەندنی بیر لە سنووری بەڕێوەبەرایەتیی ئاوی هەولێر.
جگە لەو پرۆژانە ئێستا بە دەیان پرۆژەی دیكەی بواری ئاو و ئاوەڕۆ لە سنووری پارێزگەی هەولێر لە قۆناغی جێبەجێكردندان و بەپێی پلانی نوێ، ئەمساڵ ژمارەیەك پرۆژەی دیكە لە سنووری پارێزگەی هەولێر دەكەونە بواری جێبەجێكردنەوە.