گوژمەی پێویست بۆ پرۆژەی كۆنكرێتكردنی شەقام و نەخشەی گەشتیاری و ماستەرپلان له شارى سلێمانى خەرج دەكرێت
بە پێی سێ فەرمانی وەزاری، وەزارەتی شارەوانی و گەشتوگوزار ڕەزامەندی نیشان دا لەسەر خەرجكردنی گوژمەى زياتر له 80 مليۆن دينار، بە مەبەستی جێبەجێكردنی سێ پرۆژە لە بواری كۆنكرێتكردنی شەقام و چاپكردنی نەخشەی گەشتیاری و پلانی پرۆژەكانی ماستەرپلان لە سنووری پارێزگەی سلێمانی.
پرۆژه‌كانيش بريتين له كۆنكرێتكردنی شەقام لە گەڕەكی پورەگوڵە لە چەمچەماڵ، پرۆژه‌ى چاپكردنی نەخشەی گەشتیاری لە چوارچێوەی پلانی پەرەپێدانی سێكتەری گەشتوگوزار لە سلێمانی، هه‌روه‌ها جێبەجێكردنی پرۆژەكانی ماستەرپلان لە سنووری فەرمانگەكانی سەر بە بەڕێوەبەرایەتیی گشتیی شارەوانییەكانی سلێمانی.