وەزیری شارەوانی و گەشتوگوزار پێشوازی لە کونسوڵی تورکیا کرد

ساسان عەونی، وەزیری شارەوانی و گەشتوگوزار، پێشوازی لە ئێرمان تۆپچو، کونسوڵی گشتیی تورکیا لە هەرێمی کوردستان کرد.
لە دیدارەکە چەند تەوەرێکی گرنگ و پەرەپێدانی هاوئاهەنگی و پەیوەندییەکانی نێوان هەردوولا تاووتوێ کران. هاوکات جەخت لەسەر بەرەوپێشبردنی ئاستی پەیوەندییەکانی نێوان هەردوولا کرایەوە.
وەزیری شارەوانی و گەشتوگوزار، جەختی لەسەر هەر جۆرە کارئاسانی و هاوئاهانگییەک کردەوە؛ بە تایبەتی لە بواری پرۆژەکانی خزمەتگوزاری و کارکردنی کۆمپانیا تورکییەکان، کە لە هەرێمی کوردستان لە سێکتەرە خزمەتگوزارییەکاندا کار دەکەن.