بە گوژمەی 387 ملیۆن دینار پڕۆژەیەكی قیرتاوكردن لە شارۆچكەی بلێ لە قەزای مێرگەسۆر جێبەجێ كرا
لە چوارچێوەی پلانی شارەوانی بۆ ئاسانكاریی هاتوچۆ و پەرەپێدانی پڕۆژەكانی قیرتاوكردنی شەقام، پڕۆژەیەكی قیرتاوكردنی ژمارەیەك شەقامی ناوخۆیی لە شارۆچكەی بلێ لە قەزای مێرگەسۆر جێبەجێ كرا.
ئەم پڕۆژەیە بە گوژمەی 387،500،000 دینار، لەسەر بودجەی بەڕێوەبەرایەتیی گشتیی شارەوانییەکانی سۆران جێبەجێ كرا؛ كە بە یەكێك لە پڕۆژە گرنگەكانی سنووری ئەو شارەوانییە دادەنرێت، لەپێناو ئاسانكاریی هاتوچۆ و بەرزكردنەوەی ئاستی خزمەتگوزارییەكان.
