Skip to the content

بە گوژمەی 892 مليۆن دینار دوو پڕۆژەی قیرتاوكردن لە شارۆچكەی تەناهی لە پارێزگای دهۆک جێبەجێ كران

لە چوارچێوەی پلانی وەزارەتی شارەوانی و گەشتوگوزار، بۆ زیاتر خزمەتكردنی هاووڵاتییان و پەرەپێدانی پڕۆژە و ئاسانكاریی هاتوچۆی هاووڵاتییان و شۆفێران، دوو پڕۆژەی قیرتاوكردنی شەقامی ناوخۆیی و كۆڵان لە سنووری سەرۆكایەتیی شارەوانیی تەناهی لە پارێزگای دهۆک جێبەجێ كران.

ڕۆژی هەینی 28/11/2025، پڕۆژەی قیرتاوكردنی ژمارەیەك شەقامی ناوخۆیی لە كەرتی 10ی دلب لە سنووری شارەوانیی تەناهی بە گوژمەی (117،396،500) دینار، لەسەر بودجەی فرۆشتنی زەویی شارەوانی جێبەجێ كرا.

هەروەها دوێنێ شەممە 29/11/2025، پڕۆژەیەكی دیكەی قیرتاوكردنی شەقامی ناوخۆیی لە سنووری شارەوانیی تەناهی، بە گوژمەی (774,712,000) دینار لەسەر بودجەی گەشەپێدان جێبەجێ كرا.

جێگەی باسە هەردوو پڕۆژەكە بە سەرپەرشتیی بەڕێوەبەرایەتیی گشتیی شارەوانییەكانی دهۆك و سەرۆكایەتیی شارەوانیی تەناهی جێبەجێ كران.