بەڕێوەبەری گشتیی تۆماركردنی كۆمپانیاكان لەگەڵ یەكێتی هەناردە و ناردنكارانی كوردستان تاوتوێی چەند پرسێكیان كرد

هەولێر، هەرێمی کوردستان، عێراق (GOV.KRD)- ڕۆژی سێشەممە ڕێكەوتی 2-11-2021 بڵند محەمەد مەولود بەڕێوەبەری گشتیی تۆماركردنی كۆمپانیاكان لەگەڵ شاندێكی یەكێتی هەناردە و ناردنكارانی كوردستان كۆبوویەوە. 
لە كۆبوونەوەكەدا باس لە چالاكی زیاتری نێوان وەزارەتی بازرگانی و پیشەسازی و یەكێتی هەناردە و ناردنكارانی كوردستان كرا، هەروەها چۆنیەتی چارەسەركردنی ئەو گیروگرفتانەی كە ڕووبەڕووی پرۆسەی ناردن و هەناردەكردنی شت و مەك لە ڕێگەی دەروازە سنوورییەكانی هەرێمی كوردستان و وڵاتانی دەوروبەر گفتوگۆیان لە بارەیەوە کرا، بەڕێوەبەری گشتیی تۆماركردنی كۆمپانیاكان، ئامادەیی وەزارەت و بەڕێوەبەرایەتییەكەیانی بۆ هەر چاڵاكی و هەنگاوێكی دوو لایەنە دەربڕی تا لە داهاتوودا بخرێتە واری جێبەجێكردنەوە.