ڕۆژی چوارشەممە ڕێکەوتی 25 ی ئایار دەست بە وەرگرتنی گەنمی جوتیاران دەکرێت
![](/media/12002/fb_img_1653069460658.jpg?anchor=center&mode=crop&width=1200&height=630&rnd=132975691570000000)
هەولێر، هەرێمی کوردستان، عێراق (GOV.KRD)- وەزارەتی بازرگانی وپیشەسازی هەرێمی کوردستان سەرجەم جوتیاران ئاگادار دەکاتەوە کەوا پاش گفتوگۆ و ڕاگۆڕینەوە لەگەڵ وەزارەتی بازرگانی حکومەتی فیدراڵ، ڕۆژی چوارشەممە ڕێکەوتی (٢٠٢٢/٥/٢٥) وەک یەکەم ڕۆژی وەرگرتنی گەنمی جوتیارانی هەرێمی کوردستان دیاریی کرا.
بۆ ئەم مەبەستەش وەزارەتی بازرگانی و پیشەسازی هەرێمی کوردستان، داوا لە جوتیارەکان دەکات لەو ڕێکەوتەوە گەنمی بەرهەمهاتوویان ڕادەستی سایلۆکانی هەرێمی کوردستان بکەن.