تۆماری کۆمپانیاکان بە سیستەمێکی ئەلیکترۆنی بە دەستەی دەستپاکییەوە دەبەسترێتەوە
![](/media/15000/fb_img_1663702701363.jpg?anchor=center&mode=crop&width=1200&height=630&rnd=133082145190000000)
هەولێر، هەرێمی کوردستان، (GOV.KRD)- ڕۆژی سێشەممە ٢٠ی ئەیلوولی ٢٠٢٢، بڵند محمد بەڕێوەبەری گشتیی تۆماری کۆمپانیاکانی سەر بە وەزارەتی بازرگانی و پیشەسازی لەگەڵ نوێنەرانی دەستەی دەستپاکی، چۆنیەتیی گواستنەوەی داتا و زانیاریی پێویستی بۆ کەیسە داواکراوەکانی باسکرد و بڕیاریشە بەسیستەمێکی ئەلیکترۆنی سەرجەم زانیاری و تۆماری کۆمپانیاکان ببەسترێتەوە بە دەستەی دەستپاکییەوە.
نوێنەرانی دەستەی دەستپاکی بریتی بوون لە سەوسەن میرانی بەڕێوەبەری ئەکادیمیای دەستپاکی و چرا عومەر بەڕێوەبەری ئاشکراکردنی بەرژەوەندییە داراییەکان، بەیاوەری شارەزایەک لە کونسوڵی بەریتانیا سەردانی بەڕێوبەرایەتیی گشتیی کۆمپانیاکانیان کرد و بەوردی باس لە چۆنیەتیی هەماهەنگیی نێوان هەردوولا کرا لەبارەی پێدانی زانیاریی درووست لەسەر کەیسەکان یاخود تۆماری کۆمپانیاکان بەدەستەی دەستپاکی.
بۆ ئەم مەبەستەش بەڕێگەی سیستمێکی ئەلیکترۆنی سەرجەم داتاو زانیارییەکان دەگوازرێتەوە و پەیوەست دەکرێت بەدەستەی دەستپاکییەوە.