وەزیری بازرگانی و پیشەسازی لەگەڵ وەزیری بازرگانی عێراق کۆبووەوە
هەولێر، هەرێمی کوردستان (GOV.KRD) – ڕۆژی سێشەممە ٣٠ی ئایاری ٢٠٢٣، کەمال موسلیم، وەزیری بازرگانی و پیشەسازی حکومەتی هەرێمی کوردستان لەگەڵ ئەسیر غرێری، وەزیری بازرگانی عێراق کۆبووەوە.
ئامانج لە کۆبوونەوەکە چارەسەرکردنی چەند گرفتێکی پەیوەست بە هەردوو وەزارەت و ئەو بابەتە هاوبەشانە بوو کە لە نێوان هەولێر و بەغدادا هەن.
لە کۆبوونەوەکەدا باس لە وەرگرتنی گەنمی جوتیاران و سەبەتەی خۆراکی و بە ئەلیکترۆنیکردنی پسوڵەی خۆراک و شایستەی فەرمانبەرانی وەزارەت لە چوارچێوەی بەرنامەی دابەشکردنی بەشەخۆراکی مانگانەی هاووڵاتییان کرا.
