کار بۆ چارەسەرکردنی کێشەی کارگەکانی هەرێم و حکومەتی فیدراڵی دەکرێت
![](/media/23894/fb_img_1701242880364.jpg?anchor=center&mode=crop&width=1200&height=630&rnd=133457187810000000)
رۆژی سێشەممە ٢٨ی تشرینی دوەمی ٢٠٢٣، کەمال موسلیم، وەزیری بازرگانی و پیشەسازی حکومەتی هەرێمی کوردستان، لەگەڵ عادل حوسێن، سەرۆکی یەکێتی پیشەسازی عێراقی و ژمارەیەک لە خاوەن کارگەکانی هەرێمی کوردستان کۆبوویەوە بۆتاوتوێکردنی کێشەی کارگەکان.
لەدانیشتنەکەدا کە بەڕێوەبەری گشتی گەشەپێدانی پیشەسازی ئامادەی بوو، گوێی لە کێشە و گرفتەکانی خاوەن کارگەکان لە هەرێمی کوردستان گرت و ئەو ڕێکارانەی گرفتن لەلایەن حکومەتی بەغداوە باسکران و چەند پێشنیار و سەرنجێک بۆ چارەسەرکردنیان خرانەڕوو.