ئەزموونی حوکمڕانیی هۆڵەندا بە وەزارەتەکانی حکومەتی هەرێم دەناسێنرێت
![](/media/22519/fb_img_1696097979637.jpg?crop=0,0.11777777777777777,0,0.35722222222222222&cropmode=percentage&width=1200&height=630&rnd=133406149770000000)
بە مەبەستی بەسیستەمکردنی دامەزراوەکانی حکومەت و سوودوەرگرتن لە شارەزایی و ئەزموونی تاقیکراوەی وڵاتی هۆڵەندا، نەوزاد شێخ کامیل، بەڕێوەبەری گشتیی بازرگانی و بەڕێوەبەری ڕێکخستنی پسوولەی خۆراکی دهۆک کە سەر بە وەزارەتی بازرگانی و پیشەسازییە، لە گەشتێکی چەند ڕۆژەدا لەگەڵ نوێنەرانی وەزارەتەکانی پلاندانان و کاروباری کۆمەڵایەتی و فەرمانگەی هەماهەنگی و بەدواداچوون، لە حکومەتی هەرێم و عێراقی فیدراڵ، بەشدارییان لە خولی پەرەپێدانی ستراتیجی لە هۆڵەندا کرد.
جگە لە وەرگرتنی ژمارەیەک وانەی پراکتیکی، سەردانی دامەزراوە حکومییەکان و کۆمپانیاکانی تایبەت بەو بوارانەیان کرد.
ڕێکخستنی ئەو خولە لە لایەن ئەکادیمیای لاهای بۆ پەرەپێدانی تواناکان ڕێک خراوە و ئەو خولەیان تایبەت کردووە بە هەرێم و حکومەتی عێراقی فیدراڵ.