شاندی حکومەتی هەرێم لە ئیسپانیا لەلایەن پارێزگاری لۆرکا پێشوازی کران
![](/media/23119/fb_img_1698165713021.jpg?anchor=center&mode=crop&width=1200&height=630&rnd=133426923940000000)
رۆژی سێشەممە ٢٤ی تشرینی یەکەمی ٢٠٢٣، کەمال موسلیم، وەزیری بازرگانی و پیشەسازی و بێگەرد تاڵەبانی وەزیری کشتوکاڵ و سەرچاوەکانی ئاوی حکومەتی هەرێمی کوردستان، بەیاوەری هەریەکە لە نوێنەرایەتی حکومەتی هەرێم و ژوری بازرگانی عێراقی لە ئیسپانیا، لە چوارچێوەی دیدار و کۆبونەوەکانیاندا، لەلایەن پارێزگاری لۆرکا پێشوازییان لێکرا .
لە دیدارێکدا تاوتوێی هەماهەنگی و پەرەپێدانی پەیوەندییەکانی نێوان هەردوولایان کرد، بە تایبەتی لە بوارەکانی کشتوکاڵی و پیشەسازی و بازرگانی.
شاندی حکومەتی هەرێمی کوردستان وێرای سوپاسکردنی پارێزگاری لۆرکا، بەفەرمی بانگهێشتی هەرێمی کوردستانیان کردن، بۆ ئەوەی لەنزیکەوە سوود لە دەرفەتەکانی وەبەرهێنانی هەرێمی کوردستان ببین و بەشداری بکەن لە ئەنجامدانی سەرمایەگوزاری و پێشخستنی جوڵەی ئابوری و پیشەسازی و کشتوکاڵی هەرێمی کوردستان و ئاڵوگۆڕی ئەزموونی نێوان وەبەرهێنەرانی ناوخۆی هەرێم و وڵاتی ئیسپانیا.