لە مەدرید سیمینارێک سەبارەت بە دەرفەتەکانی وەبەرهێنان و سەرمایەگوزاری لە هەرێمی کوردستان بەڕێوەچوو
![](/media/23111/fb_img_1698170040991.jpg?anchor=center&mode=crop&width=1200&height=630&rnd=133426567960000000)
ڕۆژی سێشەممە، ٢٤ی تشرینی یەکەمی ٢٠٢٣، شاندی حکومەتی هەرێمی کوردستان لە وڵاتی ئیسپانیا بەشداریکردنیان لە پێشانگایی SEPORی نێودەوڵەتی کرد.
لە پێشانگاکەدا شاندی حکومەتی هەرێمی کوردستان سیمینارێکیان پێشکەش کرد و تیایدا داتا و زانیاری و کاروچالاکی و دەرفەت و ئاڵەنگارییەکانی هەرێمی کوردستانیان خستەڕوو .
سیمینارەکە بە ئامادەبوونی نوێنەری حکومەتی هەرێم لە ئیسپانیا و لەلایەن هەردوو وەزارەتی بازرگانی و پیشەسازی و کشتوکاڵ و سەرچاوەکانی ئاوەوە پێشکەش کرا.
لە سیمینارەکەدا وێڕایی گفتوگۆکردن و لە نزیکەوە خستنەرووی کاروچالاکی و بەرەوپێشچوون و زانیارییەکان و دەرفەتەکانی وەبەرهێنان، جەخت لەسەر هەموو کارئاسانی و هەماهەنگییەکی حکومەتی هەرێمی کوردستان کرایەوە بۆ پێشخستنی سێکتەری کشتوکاڵی و بازرگانی و پیشەسازی و ئەنجامدانی سەرمایەگوزاری لە هەرێمی کوردستان.