بریکاری وەزارەتی بازرگانی و پیشەسازی ژووری بازرگانی و پیشەسازيی دهۆكى بەسەر كردەوە
ڕۆژی یەکشەممە ٢٢ی کانوونی یەکەمی٢٠٢٤، سەروەر که‌مال هاواری، بریکاری وەزارەتی بازرگانی و پيشەسازی بۆ کاروباری بازرگانی، لە شاری دهۆك، سەردانی ژووری بازرگانی و پیشەسازيی دهۆكی كرد و لەلایەن شوكری جه‌میل، سەرۆكی ژوور و ئەندامانی ئەنجومەنی كارگێڕيی ژوور پێشوازی لێ كرا.
لە دیدارەكەدا چەندین تەوەرەی گرنگ سەبارەت بە جوڵەی بازرگانی و دۆخی بازاڕ و سەرمایەگوزاری باس كران، هەماهەنگی و كاری پێكەوەیی و هاوكاری نێوان لایەنە پەیوەندیدارەكان، تەوەرەی سەرەكيی باسەكان بوون. هه‌روه‌ها گفتووگۆیان لەباره‌ى پێشكەشكردنی خزمەتی زیاتر بە هاووڵاتیيان و توێژی بازرگانان كرد، بە شێوازێك كە ئەركی لە پێشێنەی هەمووان پێشخستنی زیاتری كەرتی بازرگانی بێت. دواتر هەر یەكە لە بەڕێوەبەرایەتيی كۆمپانیاكانی دهۆك و گەشەپێدانی پیشەسازيی دهۆكیان بەسەر كردەوە.
