سایلۆی هەڵەبجە ٪٥١ی کارەکانی تەواوبووە

سایلۆی هەڵەبجە یەکێکە لە پرۆژە ستراتیژی و گرنگەکانی کابینەی نۆیەمی حکومەتی هەرێمی کوردستان و لەسەر بودجەی وەزارەتی بازرگانی و پیشەسازی لە ساڵی ٢٠٢٣ ڕاسپاردنی بۆ کراوە بە گوژمەی ٢٧ ملیار و دووسەد و سێ ملیۆن دینار، لە سنووری پارێزگەی هەڵەبجە جێبەجێ دەکرێت.
زەوی تەرخانکراو بۆ پرۆژەکە ٥٣ دۆنمە و لەسەر ڕووبەری ٢٣ دۆنم سایلۆکە دروست دەکرێت و ماوەی تەواوکردنی (٧٠٠) ڕۆژە و تاکوو ئێستا ٪٥١ی کارەکانی تەواوبووە.
بە گشتی قەبارەی سایلۆکە توانای هەڵگرتنی ٤٠ هەزار تەن دانەوێڵەی هەیە لەگەڵ ١٠ کۆگەی ئەمبارکردنی خۆراک، کە قەبارەی هەریەکەیان (١٢٠٠‌‌) مەتر دووجایە، هەروەها دوو باڵەخانەی تایبەت بە کارگێڕی و بەڕێوەبردنی سایلۆکە و خزمەتگوزارییەکان لەخۆدەگرێت.