بریکاری وەزارەتی بازرگانی و پیشەسازی پێشوازی لە شاندێكی بازرگان و خاوەنكارانی توركیا كرد
ڕۆژی چوارشەممە، ٢٧ی ئابی ٢٠٢٥، سەروەر کمال هاواری، بریکاری وەزارەتی بازرگانی و پیشەسازیی بۆ کاروباری بازرگانی، لە دیوانی وەزارەت پێشوازی لە شاندێكی بازرگانان و خاوەنكارانی توركیا لە ڕێكخراوی یوسیاد، بەسەرۆكایەتیی نواف كلش و بە یاوەری شاندێكی بازرگانان و خاوەنكارانی توركیا كرد.
لە دیدارەكەدا کە تیمی ڕاوێژكارانی وەزارەت، بەڕێوەبەری گشتیی پلاندانان و بە دواداچوون، بەڕێوەبەری گشتیی بازرگانی و بەڕێوەبەری هێما بازرگانییەكان ئامادەبوون، دوای بەخێرهاتنی شاندی میوان، پەیوەندییە ئابووری و بازرگانییەکانی نێوان هەرێمی کوردستان و توركیا بابەتی گرنگی کۆبوونەوەکە بوو.
لە میانەی کۆبوونەوەکەدا باس لە چۆنیەتیی دروستکردن و بەهێزکردنی پەیوەندییە بازرگانییەکانی نێوان هەرێمی کوردستان و كۆماری تورکیا و گرنگی بەرژەوەندییە هاوبەشە بازرگانیەكانی نێوان هەردولا كرا. لای خۆیەوە بریکاری وەزارەت، ئامادەیی وەزارەتی بازرگانی و پیشەسازیی بۆ پێشكەشكردنی هەموو هاوكاری و ئاسانكارییەك دەربڕی.
