كارگەی "تەکنەلۆجیای زێڕین 2" كرایەوە

ڕۆژی چوارشەممە، 26ی تشرینی دووەمی 2025، بە ئامادەبوونی مەسرور بارزانی سەرۆكی حكومەتی هەرێمی كوردستان، بەردی بناغەی كارگەی تەكنەلۆجیای زێڕین 2 دانرا.

سەروەر کمال هاواری بریکاری وەزارەتی بازرگانی و پیشەسازی، بەشداری لە دانانی بەردی بناغەی کارگەی ناو براو کرد، کە لە سەرەتادا سەرۆكی حكومەت بەشەكانی كارگەكەی بەسەر كردەوە و لە نزیكەوە بەدواداچوونی بۆ چۆنیەتیی بەرهەمهێنان لە كارگەكە كرد.

دواتر لە ڕێوڕەسمێکی تایبەتدا، سەرۆکی حکومەت لە گوتارێكدا باسی لەوە كرد كە ئەم كارگەیە و پرۆژەكانی هاوشێوەی، بەشێكن لە هەوڵەكانی حكومەتی هەرێمی كوردستان بۆ فرەچەشنكردنی ئابووریی هەرێمی كوردستان.

هەروەها خۆشحاڵیی خۆشی دەربڕی كە كارگەكە دەرفەتی كاری بۆ زیاتر لە 100 كەس دروست كردووە و لە دوای فراوانكردنیشی، هەلی كار بۆ 400 كەس دەڕەخسێنێت.