سبەی پێنجشەممە، 4ی ئەیلوولی 2025، بەپێی ڕۆژژمێری فەرمیی حکومەتی هەرێمی کوردستان، بەبۆنەی یادی لەدایكبوونی پێغەمبەری ئیسلام (د.خ)، لە سەرجەم دامودەزگاکانی هەرێمی کوردستان پشووی فەرمی دەبێت.

ئەمڕۆ چوارشەممە، 3ی ئەیلوولی 2025، ئەنجومەنی وەزیران، بە سەرپەرشتیی مەسرور بارزانی، سەرۆكی حكومەت و بە ئامادەبوونی قوباد تاڵەبانی، جێگری سەرۆكی حكومەت، كۆ دەبێتەوە و دوو بڕگە تاووتوێ دەكات.

پارکی سەرهەڵدان، یەکێکە لە پرۆژە خزمەتگوزارییە گرنگەکانی شاری دهۆک، گوژمەی پرۆژەكە زیاتر لە 4 ملیار دینارە، نزیکەی 98٪ی کارەکانی تەواو بووە و بەمزووانە بە ڕووی هاووڵاتییان و گەشتیاراندا دەکرێتەوە.

بە مەبەستی خزمەتکردنی زیاتری هاووڵاتییان و پەرەپێدانی ژێرخانی ئابووری و گەشتیاری، پرۆژەی ڕێگای ستراتیژیی گۆمەسپان-سماقوڵی، کە یەکێکە لە پرۆژە گرنگەكانی ناوچەکە، لە قۆناغەکانی کۆتاییدایە و بەمزووانە بەڕووی شۆفێراندا دەکرێتەوە.

بۆ پشتگیریکردن لە بەرهەمی ناوخۆیی و جووتیاران، هەفتەبازاڕی کشتوکاڵی لە پارێزگای هەڵەبجە کرایەوە و ڕۆژانی هەینی جووتیاران و کڕیاران لەو هەفتەبازاڕەدا پێک دەگەن.

لە درێژەی هەوڵە بەردەوامەکان بۆ پاراستنی گیانی هاووڵاتییان و ئاوەدانکردنەوەی ناوچە زیانلێکەوتووەکان و پاراستنی سروشت و ژینگەی كوردستان، حکومەتی هەرێم، لە کابینەی نۆیەم، کارێکی بەرچاوی بۆ پاککردنەوەی ئەو ناوچانەی بە مین و تەقەمەنییەکان چێنراون، ئەنجام داوە.