یەکێک لە ئامانجەکانی دروستکردنی بەنداو و پۆندەكان، گرنگیدانە بە سامانی ماسی. کابینەی نۆیەمی حکومەتی هەرێمی کوردستانیش، هەموو ئاسانکارییەک بۆ دامەزراندنی پرۆژەکانی ماسی دەکات.

بەنداوی گۆمەسپان، سێیەم گەورەترین بەنداوە لە هەرێمی کوردستان؛ بەرەو تەواوبوونی یەكجاری دەچێت و دەبێتە گەورەترین بەنداوی سنووری پارێزگای هەولێر. بەنداوەكە دەتوانێت 97 ملیۆن مەتر سێجا ئاو گل بداتەوە، گەورەترین ژینگەی ئاوی بۆ پارێزگای هەولێر دابین بکات؛ کۆتاییی ئەمساڵ کارەکانی بەنداوەکە تەواو دەبن.

کابینەی نۆیەمی حکوومەتی هەرێمی کوردستان، لەپێناو فرەچەشنکردنی سەرچاوەکانی داهات گرنگییەکی زۆری بە کەرتی گەشتوگوزار داوە، یەکێک لە ئامانجەکانی، دروستکردنی بەنداو و پۆند و بووژاندنەوەی زیاتری ئەو کەرتە بووە.

پۆندی سەرقزڵ لە ناحیەی قۆرەتووی سنووری ئیدارەی سەربەخۆی گەرمیان، وەكوو یەكێك لە پۆندەكانی سەردەمی كابینەی نۆیەم، سوودی زۆری بە ناوچەكە گەیاندووە و نیگەرانیی ئاژەڵدارانی ڕەواندووەتەوە؛ لە ڕێگەی ئەم پۆندەوە دەتوانن ئاو بۆ ئاژەڵەکانیان دابین بكەن.

ڕێگەی جووتسایدی گەزنە، لە دروستکردندایە و بە تەواوبوونی، تەواوی ڕێگەی هەولێر- دهۆك دەبێتە جووتساید.