نزیکەی ٣٠ ملیار دینار بۆ خاوێنکردنەوەی زبڵ و خاشاکی قەزای سۆران تەرخان کرا
![](/media/7039/untitled-wwww.jpg?center=0.49367088607594939,0.49367088607594939&mode=crop&width=1200&height=630&rnd=133433190230000000)
هەولێر، هەرێمی کوردستان، عێراق (GOV.KRD)- حکومەتی هەرێمی کوردستان بە مەبەستی چارەسەر کردنی کێشەی زبڵ و خاشاک و خاوێنکردنەوە و چارەسەر پاشماوەی شارەوانییەکان لە سنووری قەزای سۆران، بڕی (٢٩,٦٨٦,٥٩١,٦٩٢) بیست و نۆ ملیار و شەش سەدو ھەشتاو شەش ملیۆن و شەش سەدو نەوەدو یەک ھەزار و شەش سەدو نەوەد و دوو دینار، بۆ وەزارەتی شارەوانی و گەشتوگوزار/بەڕێوەبەرایەتی گشتی شارەوانییەکان/هەولێر خەرج کرد کە بەم شێوەیەی خوارەوە دابەش کراوە:
- بڕی (١٤,٧٩٠,٦٩٨,٢٨٠) چواردە ملیار و حەوت سەدو نەوەد ملیۆن و شەش سەدو نەوەدو هەشت هەزار و دووسەدو هەشتا دینار بۆ (سۆران، ڕەواندوز، خەلیفان، سیدەکان، مەجیداوە، باڵەکیان، مەزنێ و سرێشمە) لەگەڵ گوندەکانی دەورووبەریان.
- بڕی (٨,٦٩٥,٧٢٨,٠٠٠) هەشت ملیار و شەش سەدو نەوەدو پێنج ملیۆن و حەوت سەدو بیست و هەشت هەزار دینار بۆ (مێرگەسوور، گۆڕەتوو، بارزان، بلێ، پیران، شێروان مەزن، دۆرێ، بازێ و نزار) لەگەڵ گوندەکانی دەورووبەریان.
- بڕی (٦,٢٠٠,١٦٥,٤١٢) شەش ملیار و دووسەد ملیۆن و سەدو شەست و پێنج هەزار و چوارسەدو دووازدە هەزار دینار خەرج کرا بۆ (چۆمان، حاجی ئۆمەران، قەسرێ، وەرتێ، گەڵاڵە و سمێڵان) لەگەڵ گوندەکانی دەوروبەریان.
فەرمانگەی میدیا و زانیاری
٢٠٢١/٨/٦